Radha Soami Satsang Beas - RadhaSoami Ji

Santo ki parampara mein Agra mein Seth Shivdayal Singh Ji hue jo Swami Ji Maharaj ke naam se prasidh hue. Unhone Kul-Malik ko RadhaSoami kehkar pukara. Parmatama ko 'Swami', 'Swami' kehkar to sabhi mahatmao ne yaad kiya hai. Swami Ji Maharaj ne uske saath 'Radha' lafz aur jod diya. Jeevatma ko aapne 'Radha' kehkar pukara jiska Swami Kul-Malik Parampita Parmatama hai. Unhone Kul-Malik ko Aatma ka Swami arthaat 'RadhaSoami' naam se yaad kiya hai.

Jaisa ki aapne farmaya hai...

'Radha aadi Surat ka naam. Swami aadi Shabd nij dhaam,
Surat Shabd aur RadhaSoami. Dono naam ek aur jaani'

Radha Soami Satsang Beas - Baani ek-roop hone par bhi...

Jis prakaar Nehar ke jal ka pravah ek-roop hone par bhi anek prakaar ke vraksho mein pahuchkar anek roop ho jaata hai. 

Arthaat vah Baani ek-roop hone par bhi tarah-tarah ke sunnewalo ke pass pahuchkar anek roop ho gai hai.

Radha Soami Satsang Beas - Aadi mein Shabd tha...

Aadi mein Shabd tha, Shabd Parmatama ke saath tha aur Shabd hi Parmatama tha. Shuru se yeh Parmatama ke saath tha. Isi Shabd se sab cheeze bani aur aisi koi cheez nahi, jo iske bagair bani.

Markus 11:24-26. Naya Niyam.

Markus 11:24-26

Naya Niyam.

(24) Isliye main tumse kehta hun, ki jo kuch tum prathana mein mangate ho vishwas karo ki use pa chuke ho, aur vah tumhe mil jayega. (25) Aur jab kabhi tum khade hokar prathana karo to yadi tumhare mann mein kisi ke prati kuch virodh hai to kshama karo, jisse ki tumhara Pita jo swarg mein hai tumhare bhi apradh kshama kare. (26) Yadi tum kshama nahi karoge to tumhara Pita bhi jo swarg mein hai tumhare apradh kshama nahi karega.

Naya Niyam. Yuhanna 12:35-36

Yuhanna 12:35-36

Naya Niyam.

(35) Isliye Yeshu ne unse kaha, "Jyoti tumhare madya hai, aur thodi dair ke liye hai. Jab tak jyoti tumhare saath hai, tab tak chalte chalo jisse ki andhkaar tumhe na aa ghere. Jo andhkaar mein chalta hai vah nahi janta ki vah kidhar ja raha hai. (36) Jab tak jyoti tumhare saath hai, Jyoti par vishwas karo, jisse ki tum jyoti ki santan ban sako."

Naya Niyam. Luka 6:45

Bhala manush apne hirday ke bhale bhandar se bhali baaton ko hi nikaalta hai, par bura manush apne hirday ke bure bhandar se buri baatein nikalta hai, kyonki jin baaton se uska hirday bhara hota hai, unhi baaton ko vah mooh par laata hai.

- Luka 6:45

Naya Niyam

Naya Niyam. Yuhanna 12:24-25

Main tumse sach-sach kehta hun ki jab tak gehu ka daana bhoomi mein padhkar marr nahi jaata, vah akela rehta hai; parantu yadi marr jata hai to bahut fhal laata hai. Jo apne pran ko priye janta hai vah use kho deta hai aur jo apne pran ko is jagat mein apriye janta hai vah use anant jeevan tak bachaye rakhega.

- Yuhanna 12:24-25

Naya Niyam.