Surah 114: An-Nas. Ayat-1-6

Surah 114: An-Nas

Ayat-1-6

(1) Kaho, main panah mangata hun, insaano ke Rab. (2) Insaano ke badshah. (3) Insaano ke vastavik pujya ki. (4) Us vasvase (Brahm) dalne wale ki burai se jo baar-baar palat kar aata hai. (5) Jo logon ke dilo mein vasvase dalta hai. (6) Chahe vah Jinnoh mein se ho ya Insaano mein se.

Surah 99: Aj-Zalzalah. Ayat-1-8

Surah 99: Aj-Zalzalah

Ayat-1-8

(1) Jab zameen apni poori shiddat se hila di jayegi. (2) Aur zameen apne andar ke saare bhoj nikaal kar bahar daal degi. (3) Aur insaan kahega ki yeh isko kya ho raha hai? (4) Us din vah apne (upper beete hue) halaat bayaan karegi. (5) Kyonki tere Rab ne use (aisa karne ka) aadesh diya hoga. (6) Us din log vibhin dasha mein paltenge, taaki unke karma unko dikhaye jaye. (7) Fir jis kisi ne kar-bhar neki ki hogi vah usko dekh lega. (8) jisne kar-bhar burai ki hogi vah usko dekh lega.

Surah 31: Luqman. Ayat-34

Surah 31: Luqman

Ayat-34

Us ghadi ka gyan Allah hi ke pass hai, vahi varsha karta hai, wahi janta hai ki maao ke peto mein kya pal raha hai, koi prani nahi janta ki kal vah kya kamai karnewala hai, aur na kisi vyakti ko yeh khabar hai ki kis bhubhaag mein uski maut aani hai, Allah hi sab kuch janne wala aur khabar rakhne wala hai.

Surah 57: Al-Hadid. Ayat-22-24

Surah 57: Al-Hadid.

Ayat-22-24

(22) Koi musibat aisi nahi jo zameen mein ya tumhare apne upper utarati ho aur humne usko paida karne se pehle ek kitab (arthatya Bhagya-Pratika) mein likh na rakha ho. Aisa karna Allah ke liye bahut asaan kaam hai. (23) (yeh sab kuch isliye hai) taki jo kuch bhi haani tumhe ho us par tumhara dil chhota na ho aur jo kuch Allah tumhe pradan kare us par phool na jao. Allah aise logon ko pasand nahi karta jo apne aap ko badi cheez samajhate hai aur dheenge maarte hai. (24) Jo khud kanjoosi karte hai aur dusaron ko kanjoosi karne par uksaate hai. Ab agar koi mooh modhata hai to Allah nispreh (Beniyaaz) aur prasansneeh hai.

Surah 39: Az-Zumar. Ayat-42

Surah 39: Az-Zumar

Ayat-42

Woh Allah hi hai jo maut ke samay ruhoon (prano) ko grash leta hai aur jo abhi nahi maraa hai uske pran neend mein grash leta hai, fir jispar woh maut ka faisala lagoo karta hai, use rok leta hai aur dusaron ki aatmao ko ek niyat samay ke liye wapas bhej deta hai. Isme badi nisaniyaan hai un logon ke liye jo soch-vichar karne wale hai.

Surah 23: Al-Mu'minun. Ayat-43-44

Surah 23: Al-Mu'minun

Ayat-43-44

(43) Kisi Kaum ka na apne samay se pehle ant hua aur na uske baad thehar saki. (44) Fir humne lagatar apne Rasool bheje. Jis Kaum ke pass bhi uska Rasool aaya, usne use jhutlaya, aur hum ek ke baad ek kaum ko tabah karte chale gaye, yahan tak ki unko bas kahani hi banakar chhoda-fhitkaar un logon par jo emaan nahi laate.

Surah 37: As-Saffat. Ayat-6-10.

Surah 37: As-Saffat

Ayat-6-10

(6) Humne duniya ke aasman ko taron ki sobha se susajjit kiya hai. (7) Aur har sarkash Shaitan se usko surakshit kar diya hai. (8) Yeh Shaitan sabse ucch darbarwalon ki baatein nahi sun sakte, har taraf se maare aur haake jaate hai. (9) aur unke liye nirantar ajaab hai. (10) is par bhi agar koi unmein se kuch le ude to ek tez jwala unka peecha karti hai.

Surah 11: Hud. Ayat-6

Surah 11: Hud

Ayat-6

Zameen mein chalne wala koi jaandaar aisa nahi hai jiski roji Allah ke jimme na ho aur jiske baare mein vah na janta ho ki kahan vah rehta hai aur kahan vah saupa jata hai, sab kuch ek ispastha register mein darj hai.

Surah 53: An-Najm. Ayat-26-28

Surah 53: An-Najm

Ayat-26-28

Aasmano mein kitne hi Faristee maojud hai, unki shifharis kuch bhi kaam nahi aa sakti jab tak ki Allah kisi aise vyakti ke haq mein uski anumati na de jiske liye wah koi nivedan sunna chahe aur usko pasand kare. (27) Magar jo log aakhirat ki nahi manate veh Fariston ko deviyon ki sangya dete hai. (28) Halaki is mamle ka koi gyan unhein prapat nahi hai, veh sirf atkal ke peeche chal rahe hai, aur atkal satya ki jagah kuch bhi kaam nahi de sakti.

Surah 37: As-Saffat. Ayat-180-182

Surah 37: As-Saffat.

Ayat-180-182

(180) Pavitra hai tera Rab, Gaurav ka Swami, un sabhi baaton se jo yeh log bana rahe hai. (181) Aur Salam hai Rasoolon par, (182) aur saari prasansha Allah saare jahan ke Rab hi ke liye hai.

Surah 17: Bani Israel. Ayat-110-111

Surah 17: Bani Israel

Ayat-110-111

(110) Aye Nabi, inse kaho, "Allah kehkar pukaro ya Rehman kehkar, jis naam se bhi pukaro uske liye sab acche hi naam hai". Aur apni namaz na bahut jyada ucchi awaaz se padho aur na bahut dabi awaaz se, in dono ke beech aushat darje ka lehja apnao. (111) Aur kaho prasansa hai us Allah ke liye jisne na kisi ko Beta banaya, na koi shasan hi mein uska sajhidaar hai, aur na vah bebas hai ki koi uska himayati ho". Aur uski badhai bayaan karo, ucch koti ki badhai.

Surah 23: Al-Mu'minoon. Ayat-116-118

Surah 23: Al-Mu'minoon

Ayat-116-118

(116) To Sarvoccha hai Allah, vastavik Badshah, koi pujya uske siva nahi, Swami hai, Mahimashaali Singhasan ka. (117) Aur jo koi Allah ke saath kisi aur pujya ko pukare, jiske liye uske pass koi praman nahi hai, to uska hisab uske Rab ke pas hai. Aise inkaar karne wale (Kaafir) kabhi safalta prapat nahi kar sakte.

(118) Aye Nabi, kaho, mere Rab maaf kar aur daya kar, tu sab dayawano se aacha dayavaan hai.

Surah 45: Al-Jasiyah. Ayat-26-27

Surah 45: Al-Jasiyah

Ayat-26-27

(26) Hey Nabi, inse kaho, Allah hi tumhein zindagi pradan karta hai, fir wahi tumhe maut deta hai, fir wahi tumko Qayamat ke din ekattha karega jiske aane mein koi shaqk nahi hai, magar adhiktar log jante nahi hai. (27) Zameen aur aasmano ka raj (Badshahi) Allah hi ka hai, aur jis din Qayamat ki ghadi aa khadi hogi us din jhootvale ghate mein padh jayenge.

Surah 6 : Al'am. Ayat-111

Surah 6 : Al'am

Ayat-111

Agar hum faristee bhi inpar utaar dete aur murde inse baatein karte aur duniya bhar ki cheezon ko hum inki aankhon ke samne ekattha kar dete tab bhi yeh emaan laane wale na the yeh aur baat hai ki Allah hi yahi chahta ho (ki yeh emaan laaye) magar jyadatar log nadani ki baatein karte hai.

Surah 5 : Al-Maidah. Ayay-120

Surah 5: Al-Maidah

Ayat-120

Zameen aur aasmano aur jo kuch usmein hai, sabki baadshahi Allah hi ke liye hai aur vah har cheez ki kudrat rakhta hai.

Surah 2 : Al-Baqarah. Ayat-284

Surah 2: Al-Baqarah

Ayat-284

Aasmano aur zameen mein jo kuch hai sab Allah ka hai. Tum apne dil ki baatein chahe khol do, ya chhipao Allah har haal mein unka hisab tum se le lega. Fir use adhikaar hai, jise chahe maaf kar de aur jise chahe, saza de. Use har cheez par kudrat haasil hai.

Surah 35: Fatir. Ayat-1-2

Surah 35: Fatir

Ayat - 1-2

(1) Tareef Allah hi ke liye hai jo aasmano aur zameen ka banane wala aur fariston ko sandeshwahak niyukt karne wala hai, (Aise Faristee), jinke do-do, teen-teen aur chaar-chaar bhujaye hai. Vah apni Srishti-Sanrachana mein jaisa chahta hai abhivriddhi karta hai, yakeenan Allah ko sab cheez ki samartha prapt hai. (2) Allah jis rehmat ka darwaza bhi logon ke liye khol de use koi rokane wala nahi. Aur jise vah band kar de use Allah ke baad fir koi dusara kholane wala nahi. Vah prabhutvshaali aur tatvadarshi hai.

Surah 17: Bani Israel. Ayat-88

Surah 17: Bani Israel

Ayat - 88

Keh do ki agar insaan aur jinn sab ke sab milkar is Quran jaisi koi cheez laane ki koshish karein to na la sakenge, chahe veh sab ek-dusare ke sahayak hi kyon na ho.

Surah 9: At-Tauba. Ayat-71-72

Surah 9: At-Tauba

Ayat-71-72

(71) Emaan wale mard aur Emaan wali auratein, yeh sab ek-dusare ke saathi hai, bhalai ka hukm dete hai aur burai se rokte hai, namaaz qayam karte hai, jakaat dete hai, aur Allah aur uske Rasool ka agyapalan karte hai. Yeh woh log hai jin par Allah ki dayaluta utar kar rahegi, yakeenan Allah ko sab par prabhutv prapat hai aur vah tatvadarshi aur sarvagya hai. (72) In Emaan wale mardon aur Emaan wali auraton se Allah ka vaada hai ki unhein aise baag dega jinke neeche nehre behti hogi aur veh unmein hamesha rahenge. Un sada bahaar baagon mein unke liye pakeezah tehrane ki jagah hogi, aur sabse badhkar yeh ki Allah ki prasannata unhe prapat hogi. Yahi badi safalta hai.

Surah 59: Al-Hashr. Ayat-22-24

Surah 59: Al-Hashr

Ayat - 22-24

(22) Vah Allah hi hai jiske siva koi pujya nahi, adarsh aur prakat har cheez ka janne wala, wahi sarvocch karunamey aur dayavaan hai. (23) Vah Allah hi hai jiske siva koi pujya nahi. Vah samrath hai, bada hi pavitra, sarvatha salamati, nichchinta pradan karne wala, nigehbaan, sab par prabhutv rakhne wala, apna Adesh balpurvak lagu karne wala, aur bada hi ho kar rehne wala. Pak hai Allah us ''Shikrh' (Bahudevaad ke karm) se jo log kar rahe hai. (24) Vah Allah hi hai jo Srishti ki yojana banane wala aur usko lagu karne wala aur uske anusar roop banane wala hai. Uske liye uttam naam hai. Har cheez jo aasman aur zameen mein hai uski tasbeeh (Gurgaan) kar rahi hai, aur vah prabhutvshaali aur tatvadarshi hai.